Мазкур қонунга кўра, экология, атроф-муҳитни муҳофаза қилиш ва табиатдан фойдаланиш соҳасидаги ҳуқуқбузарликлар учун юридик шахсларга нисбатан молиявий санкциялар жорий этилади.
Хусусан, дарёлар ўзанларини тозалаш ва қирғоқларини мустаҳкамлаш ишларини амалга ошириш тартибини бузган юридик шахсларга атроф-муҳитга етказилган зарарнинг уч баравари миқдорида жарима қўлланилади.
Шунингдек, сувларни ифлослантириш ёки сув объектларига оқова сувларни оқизиш шартларини бузганлик учун юридик шахсларга атроф-муҳитни ифлослантирганлик учун тўланиши лозим бўлган компенсация тўловининг 10 баравари миқдорида молиявий санкциялар белгиланди.
Бундан ташқари, юридик шахсларга тегишли ёки уларга бириктирилган ҳудудлардаги дарахтларни муҳофаза қилиш ва сақлаш бўйича қонунчиликда назарда тутилган чораларни кўрмаганлик учун атроф-муҳитга етказилган зарарнинг беш баравари миқдорида жарима қўлланилади.
Қайд этилишича, мазкур Қонун расмий эълон қилинган кундан эътиборан уч ой ўтгач кучга киради.
