Бу ҳақда Axios хабар берди ўз манбаларига таяниб.
Маълум қилинишича, ташриф сешанба куни амалга оширилиши режалаштирилган бўлиб, музокаралар эҳтимолий келишув орқали урушни тўхтатиш масаласига қаратилган.
Айни пайтда вазият муросага келинмаган тақдирда кескинлашиши мумкин. АҚШ президенти Доналд Трамп келишувга эришилмаса, Эрондаги кўприклар ва электр инфратузилмасига янги ҳужумлар амалга оширилиши мумкинлигини маълум қилган.
Томонлар ўртасидаги ўт очишни тўхтатиш келишуви муддати якунланиши арафасида. Дастлаб белгиланган икки ҳафталик муддат сешанба куни тугаши керак эди, аммо Трамп уни чоршанба кечгача узайтириш мумкинлигини билдирган.
Эрон томони музокараларда иштирок этиш масаласини кечиктириб келгани айтилмоқда. Бу эса ички босимлар, жумладан, Ислом инқилоби қўриқчилари таъсири билан боғлиқ экани таъкидланмоқда.
Музокараларда Покистон, Миср ва Туркия воситачилик қилмоқда. Манбаларга кўра, Эрон делегацияси олий раҳбар розилигидан сўнг музокараларда иштирок этишга розилик билдирган.
Шунингдек, АҚШнинг махсус вакиллари — Стев Виткофф ва Жаред Кушнер ҳам Исломободга бориши кутилмоқда.
Таҳлилчилар фикрича, қисқа муддатда тўлиқ келишувга эришиш қийин бўлиши мумкин, аммо музокараларда илгарилаш кузатилса, ўт очишни тўхтатиш муддати яна узайтирилиши эҳтимоли бор.
