Блогер ўз саҳифасида хонанданинг клипини миллий маънавиятга зид деб баҳолаб, унга нисбатан зўравонлик ва қотилликка ундаш мазмунидаги саҳналарни намойиш этган. Ушбу видео ижтимоий тармоқларда кенг муҳокамаларга сабаб бўлди.
Тошкент шаҳар ИИББ маълум қилишича, мазкур ҳолат юзасидан Олмазор тумани ички ишлар органлари томонидан суриштирув ишлари олиб борилиб, видео муаллифининг шахси аниқланган. Ҳозирда ҳолат юзасидан терговга қадар текширув ҳаракатлари олиб борилмоқда.
Блогер ўз қилмишидан пушаймонлигини билдириб, жамоатчиликдан узр сўраган.
Текширув якунига кўра қонуний қарор қабул қилиниши таъминланади.
Тошкент шаҳар ИИББ фуқароларни ижтимоий тармоқлардан фойдаланишда масъулиятли бўлишга, қонун талабларига риоя этишга чақирди. Зеро, ижтимоий тармоқларда қонунчиликка зид мазмундаги видеоларни тайёрлаш ва тарқатиш белгиланган тартибда жавобгарликка сабаб бўлиши мумкин.
