Тадбирда халқаро ва маҳаллий адабиёт намояндалари, ижодкорлар, олимлар ҳамда китобхонлар иштирок этди. Фестиваль меҳмонлари ўзбекона меҳмондўстлик анъаналари асосида кутиб олиниб, университет талабалари томонидан турли халқларнинг миллий маданияти ва санъатини акс эттирувчи бадиий чиқишлар намойиш этишди.
Фестивалнинг очилиш маросимида ФарДУ ректори Баҳодиржон Шермуҳаммадов адабиёт ва китобхонликнинг халқлар ўртасидаги дўстлик, тинчлик ва ҳамжиҳатликни мустаҳкамлашдаги ўрни ҳақида сўз юритди. Шунингдек, фарғоналик ижодкорларнинг сайланма асарлари тақдимоти иштирокчиларда катта таассурот қолдирди.
Фестиваль доирасида Анқара Ижтимоий фанлар университети ректори, профессор Муса Козим Арижан ҳамда ФарДУ ректори Баҳодиржон Шермуҳаммадов томонидан икки олий таълим муассасаси ўртасида ўзаро англашув меморандуми имзоланди.
Ҳамкорлик материали
