Халқаро аккредитациядан ўтган таълим дастурлари қуйидагилар:
Кимё ва биология йўналишлари:
Кимё (бакалавриат)
Кимё (магистратура)
Биология (бакалавриат)
Биология (магистратура)
Математика ва физика йўналишлари:
Математика (бакалавриат)
Математика (магистратура)
Физика (бакалавриат)
Физика (магистратура)
ASIIN (Accreditation Agency for Degree Programmes in Engineering, Informatics, Natural Sciences and Mathematics) Германияда фаолият юритувчи ҳамда Европа олий таълим маконида кенг эътироф этилган мустақил аккредитация агентлиги ҳисобланади. Агентлик томонидан бериладиган аккредитация таълим дастурларининг халқаро академик ва касбий стандартларга мослигини, ўқув жараёнининг сифати, профессор-ўқитувчилар салоҳияти, илмий-тадқиқот фаолияти ҳамда битирувчиларнинг замонавий меҳнат бозори талабларига жавоб беришини тасдиқлайди.
Мазкур натижа Фарғона давлат университетида таълим сифатини ошириш, халқаро стандартларни жорий этиш, таълим дастурларини модернизация қилиш ва университетнинг халқаро нуфузини мустаҳкамлаш борасида амалга оширилаётган тизимли ислоҳотларнинг муҳим самараси ҳисобланади.
Халқаро аккредитация жараёнида фаол иштирок этган профессор-ўқитувчилар, факультетлар жамоалари, таркибий бўлинмалар ҳамда барча масъул ходимларнинг фидокорона меҳнати ушбу муваффақиятнинг асосий омили бўлди.
Ҳамкорлик материали
