Бу ҳақда Бизнес-омбудсман маълум қилди.
Хабарга кўра, online-mahalla.uz платформаси орқали келиб тушган мурожаатлар таҳлили давомида 34 та ҳолатда ҳоким ёрдамчилари томонидан белгиланган тартибда хулоса берилмагани аниқланган.
Қайд этилишича, Вазирлар Маҳкамасининг 2022 йил 8 июлдаги 373-сон қарори билан тасдиқланган Низомга мувофиқ, ҳоким ёрдамчиси тадбиркорнинг аризасини 5 иш куни ичида ўрганиб, кредит ажратиш ёки рад этиш бўйича хулосани Ягона электрон платформага жойлаштириши шарт.
Таҳлил якунларига кўра, қонун талабларига риоя этмаган 16 нафар мансабдор шахсга нисбатан тегишли чора кўрилган. Шунингдек, тадбиркорларга кредит олиш бўйича хулосалар берилиши таъминланган.
