Вилоят Ички ишлар бошқармаси маълумотига кўра, шу йилнинг 6 апрель куни тезкор тадбир ўтказилган. Унда Бухоро туманида яшовчи 18 ёшли фуқаро ўзининг уч кунлик қиз фарзандини пул эвазига бермоқчи бўлгани аниқланган.

Маълум қилинишича, гумонланувчи чақалоқни 4 минг АҚШ долларига сотишни режалаштирган. У шартли харидордан келишилган маблағнинг 800 долларини олаётган вақтда ашёвий далиллар билан ушланган.

Ҳозирда мазкур ҳолат юзасидан Жиноят кодексининг 135-моддаси 3-қисми “б” банди (вояга етмаган шахсга нисбатан одам савдоси) билан жиноят иши қўзғатилиб, дастлабки тергов ҳаракатлари олиб борилмоқда.