Маълум қилинишича, Янгийўл шаҳар Ички ишлар бўлими тезкор ходимлари томонидан «Янгиҳаёт» маҳалласи ҳудудида жойлашган хонадон ўрганилган.
Текширув давомида ушбу хонадон эгаси ҳовлисидаги иссиқхона (парник) ичида таркибида гиёҳвандлик воситаси мавжуд бўлган 22 туп ўсимликни парваришлаб, етиштириб келаётгани аниқланган.
Аниқланган ўсимликлар холислар иштирокида ашёвий далил сифатида расмийлаштириб олинган.
Мазкур ҳолат юзасидан Янгийўл шаҳар ИИБ томонидан 53 ёшли фуқаро Б.М.га нисбатан тегишли моддалар билан жиноят иши қўзғатилган. Ҳозирда иш юзасидан тергов ҳаракатлари олиб борилмоқда.
