Жорий йилда илк бор ўтказилган танловда республика бўйича 46 минг нафардан ортиқ педагог иштирок этди. Якуний натижаларга кўра, 208 нафар педагог ғолибликни қўлга киритди.
Танловда 208 та туман ва шаҳар бўйича биринчи ўринни эгаллаган ғолибларнинг ҳар бири 616 млн сўм миқдорида пул мукофоти билан тақдирланади. Бу сумма базавий ҳисоблаш миқдорининг 1 400 бараварига тенг.
Танловни ўтказишдан кўзланган асосий мақсад педагогларнинг касбий маҳоратини рағбатлантириш, уларнинг илғор тажрибасини оммалаштириш ҳамда таълим сифатини оширишга ҳисса қўшишдан иборат.
Маълумотларга кўра, танлов нафақат педагогларни моддий рағбатлантириш, балки уларнинг касбий салоҳиятини янада ошириш ва таълим жараёни сифатини яхшилашга хизмат қилиши кўзда тутилган.
