Эндиликда олимларнинг илмий натижалари нафақат ҳужжатлар, балки ягона электрон базада тасдиқланган маълумотлар асосида ҳам баҳоланади.
Нималар ўзгарди?
Илмий натижаларни тасдиқлаш тартиби янгиланди.
Илгари қўшимча ҳақ белгилашда ходим тақдим этган тасдиқловчи ҳужжатларга таянилган.
Янги тартибда эса ilmiy, илмий-педагогик ва меҳнат фаолиятига оид маълумотлар ягона электрон базага киритилади, текширилади ва тасдиқланади.
Тасдиқланган маълумотлар асосий манбага айланади.
Электрон базадаги маълумотлар қўшимча ҳақ белгилашда ташкилотнинг илмий комиссияси ва коллегиал органи учун асосий ахборот манбаси ҳисобланади.
Базага киритилган, аммо тасдиқланмаган натижалар қўшимча ҳақ ҳисоблашда инобатга олинмайди.
Science ID орқали янги рағбатлантириш мезони белгиланди.
Science ID орқали юқори илмий фаоллик кўрсатган ҳар бир муаллифга лавозим маошининг 10 фоизигача қўшимча ҳақ белгилаш назарда тутилмоқда.
Бу ерда гап барча ходимларга автоматик 10 фоиз тўлаш ҳақида эмас, балки тегишли мезон асосида рағбатлантириш ҳақида кетмоқда.
Эндиликда илмий натижага эришишнинг ўзи етарли эмас. Унинг электрон базада тўғри акс этиши, текширилиши ва тасдиқланиши ҳам муҳим аҳамият касб этади.
