Истеъмолчилар ҳуқуқларини ҳимоя қилиш йўлидаги меморандум

Ижтимоий ҳаёт 16 март 2022, 15:26 3 195

Халқаро истеъмолчилар ҳуқуқларини ҳимоя қилиш куни муносабати билан Ўзбекистон истеъмолчилар ҳуқуқларини ҳимоя қилиш жамиятлари федерацияси ва "Санъаткор, ижодкор ва ижрочиларнинг муаллифлик ҳуқуқларини ҳимоя қилиш палатаси" ўртасида муаллифлик ҳуқуқи ва турдош ҳуқуқларни ҳимоя қилиш соҳасида ҳамкорлик тўғрисида меморандум имзоланди.

Меморандум муаллифлар ва санъаткорларнинг, шу билан бирга ҳар қандай санъат асаридан фойдаланаётган истеъмолчиларнинг интеллектуал мулкини ҳимоя қилиш, уларни асл санъат асарларидан баҳраманд бўлишларини таъминлаш учун биргаликда ҳаракатларни назарда тутади. Ҳужжат узоқ муддатли ўзаро манфаатли ҳамкорликни мустаҳкамлашга хизмат қилади.