Лойиҳада қуйидаги асосий ўзгаришлар назарда тутилган:
Хавфсиз идентификация. SMS-коддан ташқари биометрик идентификация ва қурилмага боғланган тасдиқлаш усулларидан фойдаланиш.
Маблағларни блоклаш. Мижозларга ҳисобварақдаги маблағларнинг исталган қисмини мустақил блоклаш ва блокдан чиқариш имкониятини яратиш.
Фирибгарликнинг олдини олиш. Шубҳали операцияларни вақтинча тўхтатиб туриш тартибини жорий этиш.
Зарарли дастурлардан ҳимоя. Мижоз қурилмасида зарарли дастурлар аниқланганда уни бир соат ичида хабардор қилиш ва муҳим операцияларни чеклаш.
Муқобил идентификация. Биометрик текширувдан ўта олмайдиган фуқаролар учун бошқа тасдиқлаш усулларини қўллаш. Шунингдек, банкларнинг киберҳодисалар ҳақида Марказий банкни 24 соат ичида хабардор қилиш мажбурияти ва ҳамкор ташкилотлар билан маълумот алмашиш хавфсизлиги бўйича жавобгарлик белгиланмоқда.
Қарор лойиҳаси билан регулатион портали орқали танишиш ва таклифлар қолдириш мумкин.
Эслатма: SMS-код, карта маълумотлари ва паролларни ҳеч кимга берманг. Банк ходимлари телефон орқали бундай махфий маълумотларни сўрамайди. Муҳокамада фаол қатнашиб, ўз таклифларингизни юборинг.
