Маълум қилинишича, 11 октябрь куни соат 13:26 да Тошкент вилояти Фавқулодда вазиятлар бошқармасига «112» тизими орқали хабар келиб тушган. Унда сайр қилиш мақсадида тоққа борган 7 нафар фуқаро йўлдан адашиб қолгани ва тоғдан туша олмаётгани билдирилган.
Хабар асосида қутқарувчилар воқеа жойига етиб бориб, қидирув-қутқарув ишларини олиб борган. Натижада адашиб қолган фуқаролар топилиб, соғ-саломат хавфсиз ҳудудга олиб чиқилган.
Ҳодиса оқибатида тан жароҳати олганлар йўқ.
