Ушбу даврда кекса ёшдаги фуқаролар учун маданий мерос объектлари, давлат музейлари ва музей-қўриқхоналарга кириш чипталарига 50 фоизлик чегирма жорий этилади.
Ташаббус кекса ёшдаги фуқароларнинг тарихий обидалар ва музейларга ташриф буюриш имкониятларини кенгайтириш, мазмунли ҳордиқ чиқаришини рағбатлантириш ҳамда мамлакатнинг бой тарихий-маданий мероси билан яқиндан танишишига кўмаклашишга қаратилган.
Чегирма амал қиладиган маданий мерос объектлари, музейлар ва музей-қўриқхоналар рўйхати билан ушбу ҳавола орқали танишиш мумкин.
Маълумот учун, Ўзбекистон Республикаси Вазирлар Маҳкамасининг 2026 йил 29 сентябрдаги 1-сон мажлис баёни 7-бандида «Кексалар учун туризм ойлиги» доирасида маданий мерос объектлари ва давлат музейларига ташриф буюрувчилар учун чегирмалар эълон қилиш чораларини кўриш вазифаси белгиланган.
