Дастлабки турда Ўзбекистон терма жамоасини мағлуб этган Колумбия бу сафар Конго Демократик Республикасига қарши майдонга тушди.
Лотин Америкаси вакиллари учрашувнинг 6-дақиқасидаёқ ҳисобни очганди. Бироқ VAR текширувидан сўнг офсайд қайд этилди ва гол бекор қилинди.
Колумбия ўйин давомида устунликни тўлиқ ўз қўлида ушлади. 76-дақиқада Даниэль Муньос аниқ зарба билан жамоасини олдинга олиб чиқди. Шундан кейин ҳам колумбияликлар яна икки бор рақиб дарвозасини ишғол қилди, аммо ҳар икки гол ҳам қоидабузарлик сабабли ҳисобга олинмади.
Шу тариқа, баҳс Колумбиянинг 1:0 ҳисобидаги ғалабаси билан якунланди. Натижада жамоа очколарини 6 тага етказиб, муддатидан аввал плей-офф босқичига чиқиш масаласини ҳал қилди.
