Конго Демократик Республикасида (КДР) Эбола иситмасидан тасдиқланган ўлимлар сони 291 тага етди, сўнгги 24 соат ичида ўлимлар сони 14 тага кўпайди, деб хабар берди Конго Алоқа ва оммавий ахборот воситалари вазирлиги ўзининг кундалик бюллетенида.
Эбола билан касалланиш ҳолатлари сони 1118 тага етди, бу аввалги кунга нисбатан 24 тага кўп. Касалликдан ўлим даражаси 26 фоизни ташкил қилади.
408 бемор шифохоналар ва изоляция бўлимларига жойлаштирилди. Тўлиқ соғайган беморлар сони 122 нафар. Контактларни кузатиш даражаси 77,1% ни ташкил қилади.
Вазирлик эпидемиологик кузатув фаоллигича қолишини таъкидлади. Эбола билан касалланишга шубҳа қилинган ҳолатлар ҳақида 699 та хабарнома рўйхатга олинган. Улардан 99,4% текширилган ва 138 та шубҳали ҳолат аниқланган.
Эбола эпидемияси 15 май куни КДР шарқида бошланган. Унинг маркази Итури вилоятида жойлашган. Қўшни Угандада ҳам Эбола билан касалланиш ва ўлим ҳолатлари мавжуд, деб хабар берди tass.ru.
