Бу ҳақда Le Figaro хабар берди.
Фожиа мамлакатнинг Бабуа шаҳри яқинидаги Замбойе қишлоғида жойлашган норасмий олтин конида содир бўлган. Ҳодиса оқибатида қидирув-қутқарув ишлари давом этмоқда.
Гувоҳлардан бири воқеани «фалокат» деб таърифлаб, тупроқ тўлиқ қулаб, одамларни босиб қолганини айтган.
Ижтимоий тармоқларда тарқалган видеоларда юзлаб норасмий кончилар ишлаётган карьерда тупроқнинг бир қисми қулаб тушиб, кўплаб одамларни босиб қолгани акс этган.
Нашрнинг қайд этишича, Марказий Африка Республикасида тупроқ кўчиши ва конларнинг қулаб тушиши тез-тез содир бўлади. Мамлакат тупроқлари олтинга бой бўлиб, конларнинг бир қисми давлат назоратидан ташқарида, ноқонуний равишда ўзлаштирилади.
Le Figaro маълумотига кўра, июнь ойи ўртасида ҳам Нана-Мамбер префектурасида, Камерун чегараси яқинида жойлашган Бе-Мбари олтин конида шунга ўхшаш ҳодиса содир бўлиб, ўнлаб одамлар ҳалок бўлган.
