Бу ҳақда Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси маълум қилди.

Маълум қилинишича, жорий йилнинг 2 январь куни ҳудуддаги АГТКШда метан газ баллони ўрнига пропан баллони ўрнатилган автомобилга сиқилган табиий газ қуйилиши натижасида портлаш содир бўлган. Ушбу ҳолат акс этган фото ва видеолар ижтимоий тармоқларда кенг тарқалган эди.

Ҳолат «Ўзенергоинспекция» томонидан ўрганилиб, текширув натижаларига кўра, шохобча лицензиясини бекор қилиш юзасидан судга мурожаат қилинган.

Қорақалпоғистон Республикаси иқтисодий судининг 2026 йил 8 апрелдаги қарори билан «К.М.» МЧЖ лицензия талаб ва шартларини қўпол равишда бузган деб топилиб, унга тегишли лицензияни бекор қилиш белгиланди.

Эслатиб ўтилишича, тегишли рухсат этувчи ҳужжатлари бўлмаган автомобилларга газ қуйиш қонунбузарлик ҳисобланади ва лицензия бекор қилинишига олиб келади.