Бош прокуратура ҳузуридаги Департаментнинг Поп тумани бўлими ва ҳуқуқни муҳофаза қилувчи органлар ҳамкорлигида ўтказилган тезкор тадбирда «Поп тумангаз» оператори Н.Р. ва муқаддам судланган фуқаро П.З. аниқланган.

Маълум бўлишича, улар фуқаролар З.Ю. ва С.Ю.нинг хонадонларига табиий газ тармоғини тортиб келиши ҳамда рухсатнома олиб беришини айтиб, 2 100 АҚШ доллари талаб қилган. Шундан 200 долларини фирибгарлик йўли билан қўлга киритган.

Қолган 1 900 АҚШ долларини олаётган вақтида улар ашёвий далиллар билан ушланган. Терговга қадар текширув даврида Н.Р. томонидан олинган 200 АҚШ доллари процессуал тартибда қайтарилгани расмийлаштирилган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари олиб борилмоқда.