Тадбирда “Янги Ўзбекистон” ва “Правда Востока” газеталари таҳририяти бош муҳаррири Салим Дониёров, бош муҳаррир ўринбосари Абу Бакир Ўрозов, Наманган давлат педагогика институти ректори Баҳодир Хусанов, Ўзбекистон Ёзувчилар уюшмаси Наманган вилояти раиси Зиёвуддин Мансур, Ўзбекистон Журналистлар уюшмаси Наманган вилояти бўлими раиси Гулчеҳра Бувамирзаева, шоир, фахрий журналист Носиржон Деҳқонов,
таниқли зиёлилар, ижодкорлар, институт профессор-ўқитувчилари, талаба-ёшлар ва оммавий ахборот воситалари вакиллари иштирок этди.

Тадбирнинг асосий мақсади ёшларни мамлакатимизда амалга оширилаётган ислоҳотларнинг мазмуни билан яқиндан таништириш, уларнинг ижтимоий-сиёсий жараёнлардаги иштирокини ошириш ҳамда оммавий ахборот воситаларига бўлган қизиқишини кучайтиришдан иборат бўлди. Кечада сўзга чиққанлар мамлакатимизда сўнгги ўн йил давомида амалга оширилган туб ислоҳотлар, уларнинг босқичлари ва эришилган натижалар ҳақида батафсил сўз юритди.

Наманган вилоятида ҳам ижтимоий-иқтисодий ривожланишни таъминлаш, ҳудуд инфратузилмасини яхшилаш, аҳоли бандлигини таъминлаш бўйича муҳим лойиҳалар ҳаётга татбиқ этилмоқда. Таълим, соғлиқни сақлаш, маданият ва спорт соҳаларида рўй бераётган янгиланишлар ҳудуд аҳолиси фаровонлигини оширишга хизмат қилаётгани кўрсатиб ўтилди.

Шунингдек, тадбир доирасида Ўзбекистон Республикасида хизмат кўрсатган журналист Салим Дониёровнинг “Янги Ўзбекистон орзуси” китоби кенг жамоатчиликка тақдим этилиб, ижодкорлар, педагоглар ва ёшлар томонидан китобнинг мазмуни ҳақида маърузалар қилинди.

Кеча давомида газеталарда чоп этилаётган таҳлилий мақолалар, интервьюлар ва долзарб мавзулардаги материаллар мисолида журналистиканинг жамият тараққиётидаги ўрни кенг муҳокама қилинди. Иштирокчиларга мазкур миллий нашрнинг қизғин фаолияти, уларнинг жамиятда очиқлик ва ошкораликни таъминлашдаги роли ҳақида батафсил маълумотлар берилди. Учрашувда газетанинг ижтимоий тармоқлардаги фаолияти, контент тайёрлаш бўйича ҳам ахборотлар берилди.

Тадбир иштирокчилари ўзларини қизиқтирган саволларга батафсил жавоб олди, ислоҳотларнинг самарадорлиги бўйича ўз фикр-мулоҳазаларини билдирди.