Экология ва иқлим ўзгариши миллий қўмитаси ҳамда Falcon Hunting Solutions ҳамкорлигида Қизил китобга киритилган ноёб қуш — йўрға тувалоқларни табиий муҳитга қайтариш ишлари давом эттирилмоқда.
Маълум қилинишича, мазкур қуш тури Ўзбекистон “Қизил китоб”и, Табиатни муҳофаза қилиш халқаро уюшмаси (IUCN) Қизил рўйхати ҳамда йўқолиб кетиш хавфи остидаги ёввойи фауна ва флора турлари билан халқаро савдо қилиш тўғрисидаги CITES Конвенциясининг 1-иловасига киритилган.
Лойиҳа доирасида ҳар йили Қорақалпоғистон Республикаси ҳудудидаги ёввойи табиат қўйнига 2 мингдан 3 минг бошгача йўрға тувалоқ қўйиб юбориш режалаштирилган.
Режага мувофиқ, Қўнғирот туманидаги Устюрт текислигига жами 893 бош йўрға тувалоқ қўйиб юборилди.
