Мазкур тадбир Ўзбекистон Журналистлар уюшмаси ҳамда Ўзбекистон Республикаси Оила ва хотин-қизлар қўмитаси ҳамкорлигида ташкил этилди.
Тақдирлаш маросимида танловнинг 12 та номинацияси бўйича ғолиблар аниқланиб, ҳакамлар ҳайъати томонидан юқори баҳоланган ижодий ишлари алоҳида эътироф этилди.
Ғолибларга диплом ва қимматбаҳо совғалар тантанали равишда топширилади.
Шунингдек, тадбир давомида Ўзбекистон Журналистлар уюшмасига янги қабул қилинган 25 нафар аъзога аъзолик гувоҳномалари тантанали равишда топширилди.
«Атиргул» кўрик-танлови хотин-қиз журналистларнинг касбий маҳорати ва ижодий салоҳиятини қўллаб-қувватлаш, уларнинг журналистика соҳасидаги фаолияти ва ижодий изланишларини муносиб эътироф этиш, шунингдек, журналистика ривожига қўшаётган ҳиссасини кенг тарғиб қилишга хизмат қилади.
Мазкур ташаббус журналист аёлларнинг жамият ҳаётидаги фаол иштирокини янада кучайтириш, уларнинг профессионал ва ижодий имкониятларини намоён этишлари учун янги майдон яратиш ҳамда соҳага янги истеъдодларни жалб этишда муҳим аҳамият касб этади.
