Вилоят ИИБ ЖХХ ЙҲХБ ахборот хизмати маълум қилишича, ҳодиса 18 октябрь куни соат 08:20 ларда туманнинг «Янги қурилиш» маҳалласида юз берган.
Ҳудудда хизмат олиб бораётган ЙҲХ инспектори ҳайдовчилик ҳуқуқига эга бўлмаган шахс бошқараётган Каптива автомобилига тўхташ ишорасини берган. Бироқ ҳайдовчи қонуний талабга бўйсунмай, ҳаракатни давом эттирган.
Шундан сўнг инспектор ўзига бириктирилган Лаcетти хизмат автомобилида Каптива ортидан кузатиб борган.
ИИБ изоҳига кўра, Каптива ҳайдовчиси малакасизлиги сабаб асосий йўлда ҳаракатланаётган Лаcетти йўлига чиқиб кетган. Оқибатда автомобиллар тўқнашган, Лаcетти ҳайдовчиси тан жароҳати билан туман тиббиёт бирлашмасига етказилган.
Ҳозирда туман прокуратураси томонидан ҳодиса юзасидан терговга қадар текширув ҳаракатлари олиб борилмоқда. Шунингдек, вилоят ИИБ масъул ходимлари ЙҲХ инспекторига нисбатан хизмат текширувини тайинлаган.
