Вилоят ЙҲХБ хабар беришича, 1964 йилда туғилган ҳайдовчи бошқарувидаги «Isuzu» русумли автобус қайрилиб олиш мумкин бўлган жойдан бурилаётган вақтида қарама-қарши йўналишда ҳаракатланаётган, 1997 йилда туғилган ҳайдовчи бошқарувидаги «Lacetti» русумли автомобиль билан тўқнашган.

Ҳодиса оқибатида «Lacetti» ҳайдовчиси ва автобусдаги 2 нафар йўловчига биринчи тиббий ёрдам кўрсатиш учун шифохонага олиб борилди.

Ҳозирда ҳолат юзасидан Оҳангарон тумани ИИБ томонидан суриштирув ишлари олиб борилмоқда.