Қайд этилишича, судларнинг ижро ҳужжатларига асосан қарздор С. Кариев ва бошқалардан 85 нафар фуқаро фойдасига жами 78 млрд сўм зарар ундириш бўйича ижро ишлари мавжуд.
Ижро ҳаракатлари доирасида қарздор С. Кариевга тегишли Чилонзор тумани, 1-Қатортол МФЙ, Қатортол 3-тор кўчасидаги турар жой бинолари ҳамда «Бешёғоч» МФЙ, Фурқат кўчасидаги нотурар жой биноси хатланган ва онлайн-аукцион савдоларига чиқарилган.
«Бешёғоч» МФЙ, Фурқат кўчасидаги нотурар жой биноси аукционда сотилиб, 793 млн сўм маблағ ундирилган.
Шунингдек, қиймати 7,1 млрд сўм деб баҳоланган Чилонзор тумани, 1-Қатортол МФЙ, Қатортол 3-тор кўчасидаги турар жой бинолари бўйича ҳозирда аукцион савдолари давом этмоқда.
Аукцион савдолари орқали келиб тушган маблағлар ҳамда қарздор С. Кариевнинг оила аъзолари томонидан тўланган пуллар ҳисобидан ундирувчиларга жами 16,7 млрд сўм маблағ «Суд ҳужжатлари ва бошқа органлар ҳужжатларини ижро этиш тўғрисида»ги қонуннинг 80-моддасига асосан тенг тақсимлаб берилган.
Айни вақтда қарздор С. Кариев ва бошқалардан 61,3 млрд сўм зарарни ундириш билан боғлиқ ижро ишлари бўйича мажбурий ижро ҳаракатлари давом эттирилмоқда.
