Ўзбекистон Республикаси ва Америка Қўшма Штатлари ўртасидаги дўстона муносабатларни мустаҳкамлаш ва узоқ муддатли стратегик шерикликни изчил кенгайтириш, сиёсий-дипломатик мулоқотни фаоллаштириш, икки томонлама келишувларнинг амалий ижросини таъминлаш йўлидаги саъй-ҳаракатлари, Ўзбекистоннинг иқтисодий салоҳияти ва инвестициявий имкониятларини АҚШда кенг тарғиб этиш, савдо-иқтисодий ва инвестициявий алоқаларни янги босқичга олиб чиқиш, америкалик инвесторлар ва етакчи компанияларни мамлакатимизга жалб қилиш, энергетика, саноат, транспорт ва бошқа устувор йўналишларда ўзаро манфаатли лойиҳаларни илгари суриш, Америка–Ўзбекистон бизнес ва инвестиция кенгаши доирасидаги ҳамкорликни ривожлантириш борасидаги алоҳида хизматлари учун Америка Қўшма Штатларининг Жанубий ва Марказий Осиё бўйича махсус вакили Сержио Гор Ўзбекистон Республикасининг “Дўстлик” ордени билан мукофотлансин.
Ўзбекистон Республикаси Президенти
Ш.Мирзиёев
