Унда «Ўзбеккосмос» агентлиги директори Шуҳрат Қодиров ҳам иштирок этди.
Тадбир доирасида Озарбайжон, Қозоғистон, Туркия ва Ўзбекистон томонидан «Туркий давлатлар ташкилоти доирасида ҳамкорлик салоҳиятини ривожлантириш бўйича космик саноат соҳасидаги дастлабки шартнома» имзоланди.
Мазкур ҳужжат Туркий давлатлар ташкилотига аъзо мамлакатлар ўртасида космик технологиялар, сунъий йўлдошларни ишлаб чиқиш, илмий тадқиқотлар, саноат кооперацияси ва салоҳиятни ошириш йўналишларида институционал ҳамкорликни мустаҳкамлаш йўлидаги муҳим қадам бўлди, дейилади «Ўзбеккосмос» агентлиги хабарида.
