Танловдан ногиронлиги бўлган шахсларнинг ҳаёт сифатини яхшилашга қаратилган самарали ижтимоий лойиҳаларни қўллаб-қувватлаш ва оммалаштириш мақсад қилинган.

Унда ногиронлиги бўлган шахслар иштирок этиши мумкин.

Танловда қатнашиш учун қуйидаги ҳужжатлар тақдим этилиши лозим:

  • белгиланган шаклдаги ариза;

  • амалга оширилган лойиҳанинг батафсил тақдимоти;

  • лойиҳа натижаларини тасдиқловчи шартномалар, фото ва видеоматериаллар, тадбир ҳужжатлари ёки сертификатлар.

Ҳужжатлар 2026 йил 5 ноябрдан 19 ноябрга қадар қабул қилинади.

Танлов ғолиблари қуйидагича тақдирланади:

  • 1-ўрин — базавий ҳисоблаш миқдорининг 100 баравари;

  • 2-ўрин — базавий ҳисоблаш миқдорининг 70 баравари;

  • 3-ўрин — базавий ҳисоблаш миқдорининг 50 баравари.

Танловда иштирок этиш учун ҳужжатлар loyiha@ihma.uz электрон манзилига юборилиши керак.

Қўшимча маълумотни 71 239-59-24 телефон рақами орқали олиш мумкин.

Танлов ҳақидаги батафсил маълумот ва ариза шакли билан Ижтимоий ҳимоя миллий агентлигининг расмий сайти орқали танишиш мумкин.