Унинг таъкидлашича, икки давлатни ўзига хос биродарлик ришталари боғлаб туради. Бу яқинлик нафақат расмий муносабатларда, балки халқларнинг бир-бирига бўлган меҳр-оқибатида ҳам намоён бўлади.
Саида Мирзиёева тарих, маданият ва анъаналардаги муштараклик бугун инфратузилмадан тортиб инвестицияларгача бўлган кўплаб соҳалардаги янги қўшма лойиҳалар билан янада бойиб бораётганини қайд этди.
“Ушбу ташриф кўп қиррали алоқаларимиз тарихида яна бир муҳим саҳифани очди. Абадий дўстлик тўғрисидаги шартнома имзоланди. Назаримда, ушбу ҳужжатнинг номиёқ бугун Ўзбекистон ҳамда Озарбайжонни боғлаб турган ришталарнинг туб моҳиятини аниқ ифодалайди”, — деди у.
Саида Мирзиёева, шунингдек, Озарбайжонлик дўстларни Ўзбекистонда кўришдан доимо хурсанд эканини таъкидлаб, қардош мамлакат вакилларини юртимизда яна бир бор қутлади.
