Маълум қилинишича, ҳужжатлар 25 майдан 14 июнга қадар онлайн шаклда my.gov.uz ҳамда ariza.piima.uz платформалари орқали қабул қилинади.
Президент мактабларига 4-синфни тамомлаган ўқувчилар 5-синф учун ҳужжат топшириши мумкин.
Ариза топшириш учун қуйидаги ҳужжат ва маълумотлар талаб этилади:
- ўқувчининг сўнгги икки ой ичида туширилган фотосурати;
- туғилганлик ҳақидаги гувоҳнома;
- тегишли ўқув йили натижалари бўйича мактаб директори тасдиқлаган баҳолар табели нусхаси ёки QR-код билан тасдиқланган электрон табель;
- ота-онаси ёки қонуний вакилининг паспорт маълумотлари;
- боғланиш учун телефон рақами.
Шунингдек, талабгорнинг 4-синф йиллик баҳоларида математика ва табиатшунослик фанларидан “5” баҳо бўлиши шартлиги таъкидланди.
Қўшимча маълумотларни 1206 қисқа рақамли call-марказ орқали олиш мумкин.
