Фавқулодда вазиятлар вазирлиги маълум қилишича, тахминан соат 04:20 ларда юк автомобили ҳайдовчиси бошқарувни йўқотиши оқибатида транспорт воситаси ён томонга ағдарилиб кетган.
Ҳодиса оқибатида қурбонлар ва тан жароҳати олганлар қайд этилмаган. Бироқ юк машинасидаги маҳсулотлар йўл қатнов қисмига сочилиб кетган.
Воқеа жойига ФВВнинг “Қамчиқ” махсус қидирув бошқармаси қутқарувчилари етиб келиб, ҳайдовчига амалий ёрдам кўрсатган ҳамда йўл-транспорт ҳодисаси оқибатларини бартараф этиш чораларини кўрган.
Мутасаддилар ҳайдовчиларни тоғли ҳудудларда ҳаракатланишда тезлик меъёрларига қатъий риоя қилишга, транспорт воситасининг техник ҳолатини доимий назорат қилиб боришга чақирмоқда.
