Бош прокуратура ҳузуридаги Департамент ҳамда бошқа ҳуқуқни муҳофаза қилувчи органлар томонидан ўтказилган тезкор тадбирда у фуқарога ер ажратиб беришни ваъда қилиб, 3 000 АҚШ долларини қўлга киритгани аниқланган.

Маълум бўлишича, мансабдор шахс фуқаро М.М.га уй-жой қуриш ва деҳқончилик учун 25 сотих ер ажратиб беришни айтган. Шу орқали 2024 йилда пулни олиб, кейинчалик ишонч уйғотиш мақсадида “Шархончеки” маҳалласида 8 сотих ер ажратилгани ҳақида сохта маълумот берган.

Тезкор тадбир давомида бўлим ходими А.О. раҳбар топшириғи билан фуқарога 3 000 долларни қайтариб бераётган вақтида ашёвий далиллар билан ушланган.

Ҳозирда мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари олиб борилмоқда.