Бош прокуратура ҳузуридаги Департаментнинг Китоб тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро Н.У. “Пахтаобод” МФЙ ҳудудидаги хонадонида қўлбола усулда алкоголь маҳсулотлари ишлаб чиқариш фаолияти билан шуғулланиб келганлиги аниқланиб, ундан 1052 дона ёрлиқ, 649 дона акциз марка, 632 дона қопқоқ, 23,5 литр спирт ва ишлаб чиқаришда фойдаланилган бошқа маҳсулотлар ашёвий далил сифатида олинган.
Шунингдек, Департаментнинг Бекобод шаҳри бўлими ходимлари томонидан ўтказилган тезкор тадбирда "G.P." МЧЖ раҳбари К.Д. “Ўзбекистон” МФЙ ҳудудидаги савдо дўконида тегишли ҳужжатлари бўлмаган ва қалбаки акциз маркали 412 дона алкоголь ва 210 қути тамаки маҳсулотларини савдога қўйганликлари аниқланиб, ушбу маҳсулотлар ашёвий далил сифатида олинган.
Департаментнинг Чироқчи тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро М.Э. қалбаки акциз маркали 360 дона алкоголь маҳсулотларини сотган вақтида ушланиб, ушбу маҳсулотлар ашёвий далил сифатида олинган.
Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) ва 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят ишлари қўзғатилиб, тергов ҳаракатлари ўтказилмоқда.
