Қирғизистонда қизамиқ касаллиги авж олаётгани туфайли 2 та мактаб онлайн таълимга ўтказилди

Саломатлик 31 окт 2023, 12:16 1 285

Жалолобод шаҳрида хавфли вирусли касаллик – қизамиқ тарқалиши сабабли иккита мактаб масофавий таълимга ўтказилди, дея маълум қилди Қирғиз Республикаси Таълим ва фан вазирлиги.

Бу қарор эпидемия ва эпизоотияга қарши махсус комиссия томонидан чиқарилган.
Қ.Зокиров номидаги 2-мактаб ва А.Усмонова номидаги 7-мактаб ўқувчилари қизамиқ касаллиги тарқалиши сабабли масофавий таълимга кўчирилди, дейилади хабарда.
Шунингдек, мазкур қарор билан Жалолобод шаҳар таълим бўлимига ушбу касалликка қарши эмлашдан бош тортган ёки 063-сон шакл бўйича бир марталик эмланган ўқувчилар сонига аниқлик киритиш, ҳар бир мактаб ва болалар боғчасида тиббий кўрикдан ўтиш ва эмлаш учун алоҳида хоналарни жиҳозлаш топширилди.