Маълум қилинишича, давлат ОТМларига ўқишни кўчириш бўйича рўйхатдан ўтган фуқароларнинг аризаларини кўриб чиқиш натижасида айрим аризалар камчиликлари мавжудлиги сабабли рад этилган.
Шу муносабат билан ариза юборган, бироқ аризаси рад этилган талабаларга аниқланган камчиликларни бартараф этиш ва аризаларини қайта таҳрирлаш учун қўшимча имконият яратилди.
Мазкур имкониятдан 10 августга қадар фойдаланиш мумкин. Ушбу муддат тугаганидан кейин аризаларни таҳрирлашга йўл қўйилмайди. Камчиликлари белгиланган муддатда бартараф этилмаган аризалар эса кўриб чиқилмайди.
Ўқишни кўчириш турига қараб аризалар қуйидаги платформалар орқали таҳрирланади:
- my.uzbmb.uz — хорижий ва нодавлат олий таълим муассасаларидан давлат ОТМларига ўқишни кўчириш учун;
- transfer.edu.uz — давлат олий таълим муассасалариаро ҳамда бир ОТМ доирасида ўқишни кўчириш учун.
