Маълум қилинишича, мансабдор шахс ўз хизмат мавқеидан фойдаланиб, фуқародан 2 минг АҚШ доллари миқдорида пул талаб қилган. Ушбу маблағни олаётган вақтида Давлат хавфсизлик хизмати ходимлари томонидан ашёвий далиллар билан ушланган.
Аниқланишича, у 1987 йилда туғилган фуқаро томонидан ўзбошимчалик билан эгаллаб олинган 132 квадрат метр ер майдонида қурилган бинога нисбатан мулк ҳуқуқини расмийлаштириб беришни ваъда қилган. Мазкур бино бўйича фуқаролик ишлари судининг 2024 йилдаги ҳал қилув қарорига асосан уни мажбуран бузиш белгиланган бўлган.
Шунга қарамасдан, мансабдор шахс ушбу ҳолатга “ижобий ечим” топиб бериш эвазига пора талаб қилгани маълум бўлди.
Ҳозирда унга нисбатан жиноят иши қўзғатилган бўлиб, тергов ҳаракатлари олиб борилмоқда.
