Миграция агентлигининг маълум қилишича, умумий қарздорлик қарийб 24 миллион рубль (тахминан 324 минг доллар)ни ташкил этган.
Шу билан бирга айрим ишчилар ноқонуний ҳолатга тушиб қолгач, улар Ўзбекистон Миграция агентлигига мурожаат қилди.
Мазкур ҳолат бўйича агентликнинг Россиядаги ваколатхонаси томонидан адвокатлар жалб этилди, Ўзбекистон Бош консулхонаси Россияда эса тегишли органларга нота юбориб, дипломатик каналлар ишга туширилди.
Натижада Россия ҳуқуқни муҳофаза қилувчи органлари томонидан иш берувчиларга нисбатан Россия Федерацияси Жиноят кодексининг 145.1-модда асосида жиноят иши қўзғатилди.
Шунингдек, 105 нафар ҳамюртимизга 9 403 000 рубль (127 минг доллар) иш ҳақи ундириб берилди. Қолган қарз — 23 966 000 рубль (323 минг доллар) 15 майга қадар тўланиши кутилмоқда. Ишчиларнинг озиқ-овқат таъминоти қайта тикланди.
Ноқонуний ҳолатга тушган фуқаролар Ватанга қайтарилиб, моддий ёрдам кўрсатиш бошланди.
Билдирилишича, бу ишларда Ўзбекистоннинг Россиядаги дипломатик ваколатхоналари ҳамда Россия ҳуқуқни муҳофаза қилувчи органлари билан ҳамкорликда иш олиб борилган.
