Амир Темур ҳаётининг бир куни ҳақида ҳикоя қилувчи мазкур саҳна асарида Соҳибқирон образини Ўзбекистон халқ артисти, яқинда «Буюк хизматлари учун» ордени билан тақдирланган Ёдгор Саъдиев ижро этган.
Саида Мирзиёева санъаткорни давлат мукофоти ҳамда 80 йиллик юбилейи муносабати билан самимий қутлаб, унинг кўп йиллик меҳнати муносиб эътироф этилганини таъкидлади.
Унинг қайд этишича, спектакль ижодкорлари Амир Темур сиймосини нафақат буюк давлат арбоби ва саркарда, балки мустаҳкам ирода ва беқиёс матонат соҳиби бўлган инсон сифатида ҳам таъсирчан акс эттира олган.
Шунингдек, Президент Администрацияси раҳбари спектакль томошаси давомида Миллий театр жамоасининг юксак маҳорати ва ўз умрини миллий санъат ривожига бағишлаган фидойи ижодкорларнинг улкан салоҳияти яна бир бор намоён бўлганини таъкидлади.
