Бу ҳақда у ўзининг ижтимоий тармоқлардаги саҳифаларида маълум қилди.
Унинг ёзишича, ҳудудда юздан ортиқ муаммоли масала қисқа фурсатда ўз ечимини топган. Бироқ объектларнинг сони ва кўламидан қатъи назар, Администрация раҳбари бошчилигидаги жамоа уларнинг барчасини битта-битта, синчиклаб ва охиригача ўрганиб чиқади.
Ташриф давомида Хонқа туманида мукаммал таъмирга жуда муҳтож бўлган 2-мактабни, шунингдек, қаровсиз ташлаб қўйилган ва авария ҳолатига келиб қолган 49-мактабгача таълим муассасаси кўздан кечирилган.
Шунингдек, Давлат хореография академияси Урганч филиали фаолияти билан ҳам танишди. Ҳозирда ўқув аудиториялари ҳамда академиянинг бўлажак тарбияланувчилари мактаб-интернати битта бинода жойлашган.
Келгусида қўшимча бино қурилиб, ҳар бир муассаса алоҳида ва тўлиқ шароитга эга бўлиши режалаштирилмоқда.
