Саида Мирзиёева Тошкент шаҳрининг Миробод туманидаги “Лолазор” маҳалласига борди, маҳалла аҳли эккан дарахтлар шафқатсизларча кесиб, қўпориб ташланганига гувоҳ бўлди. Болалар майдончаси ўрнига эса бизнес маркази қуриш режалаштирилганини танқид қилди.
"Одамлар дод деганича бор – қурилишлар туфайли пойтахтдаги умумий ҳовлилар, ўйин ва спорт майдончалари таг-туги билан йўқ қилиб юбориляпти", деди Саида Мирзиёева.
Бош прокуратура бутун Тошкент шаҳри бўйича бундай объектларни тўлиқ инвентаризациядан ўтказиши, қурилиш учун берилган рухсатномаларнинг қонунийлиги, шаҳарсозлик меъёрлари ва аҳоли ҳуқуқларига қай даражада риоя қилинганини текшириш шартлиги, агар қонунбузарлик ҳолатлари аниқланса, масъул шахсларга нисбатан муросасиз жазо чоралари кўрилиши, айбдорлар, керак бўлса, ҳатто озодликдан маҳрум этилиши таъкидланди.
