Бош прокуратура ҳузуридаги Департаментнинг Иштихон тумани бўлими томонидан ўтказилган терговга қадар текширувда фуқаро З.Т. “Халқобод” МФЙ ҳудудидаги хонадонида табиий газ тармоғига тижорат мақсадида ўзбошимчалик билан тўғридан-тўғри уланиб, 246,2 млн сўмлик табиий газдан ноқонуний фойдаланганлиги аниқланган.
Департаментнинг Янгийўл тумани бўлими томонидан ўтказилган терговга қадар текширувда туман мактабгача ва мактаб таълими бўлими масъул шахслари умумий ўрта таълим мактаби биносида умумий фойдаланишдаги электр тармоғига ўзбошимчалик билан тўғридан-тўғри уланиб, 114,6 млн сўмлик электр энергиясидан ноқонуний фойдаланганликлари аниқланган.
Департаментнинг Косон тумани бўлими томонидан ўтказилган терговга қадар текширувда “S.B.” фермер хўжалигини бошқариб келган Э.С. “Қуйибоғ” МФЙ ҳудудидаги ер майдонида сув насоси ва дала шийпонидаги электр ускуналарини умумий фойдаланишдаги электр тармоғига ўзбошимчалик билан тўғридан-тўғри улаб, 109,7 млн сўмлик электр энергиясидан ноқонуний фойдаланганлиги аниқланган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
