Уларнинг 24 611 таси (82,6 фоиз) электрон ҳужжат айланиши тизими орқали, 3 251 таси оғзаки ва 1 944 таси ёзма шаклда тақдим этилган.
Мурожаатларда асосан солиқларга оид тушунтириш бериш масаласи кўтарилган — 13 397 та. Шунингдек, солиқлардан озод қилиш ва имтиёзлар бериш бўйича 368 та, тизим ходимларининг ноқонуний хатти-ҳаракатлари юзасидан 176 та, тадбиркорлик субъектлари фаолиятидаги қонунбузарликлар бўйича 16 та мурожаат қайд этилган. Қолган 15 849 та мурожаат бошқа масалаларга тегишли.
Келиб тушган мурожаатларнинг 28 311 таси (95 фоиз) кўриб чиқилиб, ҳал этилган. 82 та мурожаат тегишли ташкилотларга юборилган, 43 тасида кўтарилган масалалар ўз тасдиғини топмаган. Яна 45 та мурожаат кўрмасдан қолдирилган.
1 325 та мурожаат эса белгиланган муддатда кўриб чиқилмоқда.
Ҳудудлар кесимида мурожаатларнинг энг кўпи Тошкент шаҳрига — 10 732 та тўғри келган. Кейинги ўринларда Тошкент вилояти — 2 701 та, Самарқанд вилояти — 2 450 та, Қашқадарё — 2 176 та ва Фарғона вилояти — 1 826 та билан қайд этилган.
Шунингдек, Андижондан 1 589 та, Бухородан 1 469 та, Сурхондарёдан 1 232 та, Навоийдан 1 180 та, Наманган вилоятидан 1 108 та, Қорақалпоғистон Республикасидан 929 та, Хоразмдан 891 та, Жиззахдан 853 та ва Сирдарёдан 625 та мурожаат келиб тушган.
Қўмита маълумотларига кўра, «Солиқ органлари билан қайта алоқа» ахборот портали орқали 45 284 та мурожаат келиб тушган ва уларнинг 45 234 тасига жавоб берилган. Мазкур мурожаатларнинг 50 таси ҳозирда ўрганиш жараёнида.
