Бош прокуратура ҳузуридаги Департаментнинг Сурхондарё вилояти бошқармаси ходимлари томонидан ўтказилган тезкор тадбирда Бойсун туманидаги “B.A.” хусусий корхонаси раҳбари Р.А. “Тузбозор” МФЙ ҳудудидаги савдо дўконида умумий баҳоси 302,5 млн сўмлик тегишли ҳужжатлари бўлмаган ва қалбаки акциз маркали 6 935 дона алкоголь ва 3 456 қути тамаки маҳсулотларини савдога қўйганлиги аниқланиб, ушбу маҳсулотлар ашёвий далил сифатида олинган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) ва 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят иши қўзғатилиб, тергов ҳаракатлари ўтказилмоқда.
