Юртимизда кузатилаётган аномал иссиқ об-ҳаво шароити сабабли метро поездлари ҳаракати хавфсизлигини таъминлаш мақсадида, Ер усти йўналишидаги темир йўл рельсларининг ҳарорати белгиланган меъёрий кўрсаткичдан (55°С) юқори даражада қизиб кетаётгани инобатга олиниб, 2026 йил 15 июль санасидан бошлаб амалдаги йўриқномага мувофиқ мазкур йўналишда поездларнинг ҳаракат тезлиги ҳар куни соат 18:00 га қадар 60 км/соатдан 40 км/соатгача вақтинча чекланади.
Мазкур вақтинчалик чеклов поездлар ҳаракат интервалига ҳам қисман таъсир кўрсатиши мумкин. Шу боис йўналишда метро поездларнинг келиш вақти 14 дақиқагача узайиши кутилмоқда.
Ушбу чеклов фақат Ер усти йўналишларида ҳаракатланувчи метро поездларга нисбатан қўлланилади ҳамда ер ости метро йўналишларига татбиқ этилмайди.
