Бу ҳақда “Тошкент метрополитени” АЖ маълум қилди.
Қайд этилишича, бу чоралар пойтахт метрополитенида йўловчилар оқими ортиб бораётгани муносабати билан амалга оширилади.
Маълумотларга кўра, ҳозирда метро орқали кунига 1,2 миллион нафардан ортиқ йўловчи ташилмоқда. 2026 йил сентябрь–октябрь ойларида метрополитен хизматларидан 61,7 миллион нафар киши фойдаланган. Бу 2025 йилнинг шу даврига нисбатан 20 фоиз кўп.
Айни пайтда метро вагон паркида 55 та замонавий ва 30 та эски ҳаракат таркиби мавжуд. Янги поездлар 1 300 нафаргача, эскилари эса ўртача 1 000 нафаргача йўловчи ташиш имкониятига эга.
Поездлар сиғимини ошириш орқали йўловчилар оқимини самаралироқ тақсимлаш ва гавжумликни камайтириш кўзда тутилган.