Лойиҳа Ўзбекистон ва Хитой ўртасидаги стратегик шериклик доирасида амалга оширилган бўлиб, уни молиялаштириш учун Хитой ҳукумати томонидан 28 миллион доллар миқдорида беғараз грант ажратилган.
«Ўзбекгидроэнерго» АЖ томонидан амалга оширилган лойиҳа доирасида ҳар бири 5 МВт қувватга эга 4 та замонавий шамол турбинаси ўрнатилди.
Станция йилига 50 миллион кВт·соатгача экологик тоза электр энергияси ишлаб чиқариш имкониятига эга. Бу қарийб 20 мингта хонадоннинг электр энергиясига бўлган эҳтиёжини таъминлаш, тармоқлардаги юкламани камайтириш ва энергетика тизими барқарорлигини оширишга хизмат қилади.
«Чорбоғ» шамол электр станцияси Ўзбекистон Республикаси давлат мустақиллигининг 35 йиллиги муносабати билан ишга туширилди.
