Фавқулодда вазиятлар вазирлиги маълумотига кўра, ҳодиса бугун «Саксонота» маҳалласидаги хонадонлардан бирида содир бўлган. Соат 13:47 да навбатчилик қисмига қаровсиз қолган бола чуқурга ўрнатилган қувур ичига тушиб кетгани ҳақида хабар келиб тушган.

Хабар ортидан қутқарувчилар зудлик билан воқеа жойига етиб бориб, махсус асбоб-ускуналар ёрдамида қувур ичида қолиб кетган болани қисқа вақт ичида олиб чиққан.

Шундан сўнг бола тиббиёт ходимларига топширилган. Шифокорлар маълумотига кўра, унинг аҳволи яхши.

ФВВ ушбу ҳолат муносабати билан ота-оналарни кичик ёшдаги фарзандларни қаровсиз қолдирмасликка чақирди.