Прогнозларга кўра, кечки, тунги ва эрталабки соатларда ҳаво сифати Халқаро ҳаво сифати индекси (AQI) бўйича асосан «ўртача», айрим вақтларда эса «сезгир гуруҳлар учун носоғлом» даражада бўлиши кутилмоқда.
Миллий ҳаво сифати индекси бўйича кўрсаткич асосан «яшил», қисқа муддатларда эса «сариқ» даражада бўлиши мумкин.
Глобал об-ҳаво прогноз моделларига кўра, 5 ноябрга ўтар кечаси 2–6 мм миқдорида ёғингарчилик кузатилади. Бу эса ҳаводаги PM2.5 ва PM10 майда заррачалари миқдорининг камайишига ва ҳаво сифати яхшиланишига ёрдам бериши мумкин.
5 ноябрь куни эрталаб ҳаво сифати Халқаро ҳаво сифати индекси бўйича «ўртача», миллий индекс бўйича эса асосан «яшил» даражада бўлиши прогноз қилинмоқда.
Айни пайтда Тошкент шаҳрида атмосфера ҳавоси сифати махсус комиссия томонидан доимий мониторинг қилиб борилмоқда.
