Мазкур ишлар пойтахтнинг Юнусобод, Шайхонтоҳур, Яккасарой, Чилонзор, Учтепа, Мирзо Улуғбек, Яшнобод, Миробод, Сергели, Янгиҳаёт ва Олмазор туманларидан оқиб ўтувчи каналларнинг умумий узунлиги 66,55 километр бўлган қисмларини қамраб олади.
Ободонлаштириш ишлари билан бир қаторда, каналларнинг муҳофаза зоналарида ер майдонларидан ноқонуний фойдаланиш ҳолатларини бартараф этиш чоралари ҳам кўрилмоқда.
Хусусан, бешта каналнинг муҳофаза ҳудудларида 11,46 гектар майдонда ерларни ўзбошимчалик билан эгаллаш билан боғлиқ 326 та ҳолат аниқланган.
Бугунги кунга қадар уларнинг 275 таси бўйича, жами 8,41 гектар майдондаги ноқонуний бино ва иншоотлар бартараф этилган. Қолган 51 та ҳолат бўйича 3,06 гектар майдонда тегишли ишлар давом эттирилмоқда.
Шу тариқа, аниқланган ноқонуний эгаллаш ҳолатларининг 84 фоизи бартараф этилган.
Канал қирғоқларини мустаҳкамлаш, муҳофаза ҳудудларидан фойдаланишни тартибга солиш ва ободонлаштириш ишлари пойтахтдаги сув йўллари атрофини янада тартибли, экологик жиҳатдан обод ҳамда аҳоли учун қулай ҳудудларга айлантиришга қаратилган.
