Муҳими, ушбу электрон маълумотнома гербли гувоҳномага тенглаштирилган ва тўла қонуний кучга эга.
Мазкур қулайлик Вазирлар Маҳкамасининг 550-сон қарорига мувофиқ, 2023 йилдан туғилганликни қайд этиш комплекс давлат хизмати сифатида йўлга қўйилган:
Туғруқхона маълумотларни автоматик равишда ФҲДЁ бўлимига юборади ва ҳужжат шаклланади.
Фарзанд туғилганлиги ФҲДЁда қайд этилиши билан онанинг my.gov.uz даги шахсий кабинетига электрон хабарнома (смс) боради.
Шу вақтгача фақат туғруқхонадан QR-кодли қоғоз кўринишида берилган ушбу маълумотномани энди портал орқали исталган вақтда юклаб олиш имкони яратилди.
Ҳужжатни олиш тартиби:
my.gov.uz портали ёки MyGov иловасига киринг (OneID орқали).
“Маълумотномалар” бўлимига ўтинг.
“Туғилганлик ҳақида далолатнома ёзуви қайд қилинганлиги тўғрисида маълумотнома” хизматини танланг ва тайёр ҳужжатни сақлаб олинг.
Хизмат учун тўлов ундирилмайди. Ҳеч қандай ортиқча ҳужжат йиғиш шарт эмас.
Маълумотнома йўқолса ёки шикастланса, уни қайта тиклаш учун ФҲДЁ ёки туғруқхонага бориб юриш шарт эмас, портал орқали исталган вақтда қайта юклаб олиш мумкин.
Эслатма: Ушбу онлайн хизмат 2023 йил ва ундан кейин туғилган болалар учун амал қилади.
